|
| |
|
„Federalas“ rinforzan la Svizra
Tuttas „federalas“ fan part da l’atgna encletga da nus Svizras e Svizzers. Ellas rinforzan la Svizra. Na betg il pli davos er perquai ch’ellas han adina puspè lieu en autras parts dal pajais e regiuns linguisticas.
 Suenter Cuira, Winterthur e Thun han ils Vadians menà a tras la festa federala da tir a Bière. Nunemblidaivel l’ospitalitad dals romands en la vasta planira al pe dal Giura vadiana.
En quest onn vegnan millis da tiraduras e tiradurs ord l’entira Svizra e Svizzers a l’ester ord tut ils tschun contingents el chantun Turgovia a Frauenfeld. L’ospitalitad dals Svizers orientals n’è betg main legendara.
Ina vita senza festas è sco ina lunga tura senza entrar en ina ustaria. Ina festa federala da tir – ina giada perquai ch’ella ha lieu mo mintga tschun onns – resta a tuts gidanters en memoria l’entira vita. Ina „federala“ è medemamain in eveniment da cumpagnia ed in eveniment da sport (d’elita).
La scuntradas ed ils raschienis senza cunfins da lungatg e vegliadetgna, la cumpagnia, il fieu communabel pel sport da tir sco er il reh program da basa cultural rinforzan la solidaritad interiura. Nus emblidain memia spert con elemnetar quella solidaritad è per ina pintga naziun ord voluntad, per ina pajais pign sco la Svizra.
Il sport da tir è sa sviluppà els davos onns ad in sport d’elita che fascinescha creschent er ils giuvens e las dunnas, ad in sport che po vegnir exequì entochen in’auta vegliadetgna. Sajettar è ina sort da sport cun autas pretaisas. Dumnadà èn trenament regular, capacitad analitica da patratgar, concentraziun, dominaziun da sesez e precisiun el mument decisiv. Sch’i reussescha a nus – e quai di jau sco tiradur entusiasmà – da francar anc meglier quai maletg dal sport da tir, alura ha quai sport avegnir. Alura vegn il cumin helvetic da tiradurs er en tschun, en diesch, en quindisch onns puspè sa scuntrar ad ina „federala“.
Jau engraziel als organisaturs da la Festa federala da tir 2005 per l’organisaziun impressiunanta! A tuttas participantas e tuts participants giavischa jau nunemblidavlas uras e naturalmain – bun culp!
Samuel Schmid, president da la confederaziun
|
|
|
|
|
|
|
Campiunadi da las uniuns da tir svizras a l’ester
21 uniuns da tir svizras cun 253 tiraduras e tiradurs han prì part al campiunadi da las uniuns da tir svizras a l’ester.
dapli
|
|
|
|
|