|
| |
|
Sin l’axa da mira sa mess al sprint final
Cun ina saira d’orientaziun dals responsabels dals gidanters da las secziuns, ina conferenza da pressa e la davosa seduta dal CO è la Festa federala da tir 05 a Frauenfeld la davosa emna arrivada sin l’axa da mira. Cun in’aulta spertadad va i encunter la mira , respectivamain la partenza dal eveniment grond.
Cun la saira d’orientaziun dals responsabels dals gidanters da las secziuns el „Thurgauerhof“ a Weinfelden partiva in’emna en la qualla la federala è vegnida bunamain tschiffada. Ils responsabels pil persunal, Paul Vogt e Urs Schneider repartevan x-tschient chamischolas da gidanter en quella colur, en la quala ils organisaturs ans giavischan durant l’eveniment grond il tschiel sur Frauenfeld, blau da tschiel.
Perquai ch’il dumber d’annunzias na correspundeva betg dal tut als giavischs dals organisaturs, stuevan ils dis da tir vegnir regruppads, tge che menava latiers che Paul Vogt stueva er tar ils gidanters regruppar, vul dir cul partir en entschaiver ina ulteriura giada da nov.
Tiradurs èn clients
Per segirar in andament senza incaps vegnan ils chaus da stan e la survigilanza da stan en avant, ils avisaders al lieu instruids. Latiers vegn che mintga gidanter retschaiva in fegl d’infurmaziun. Karl Eisenring: „Ils tiradurs èn nos clients e nus vulain clients ch’èn cuntents. Quai vul dir per nus tuts ch’in sto saver leger ils giavischs als clients dals egls!“
Ina tonna per pionier e di
Stretgamain qauter emnas avant l’emprem culp da campiunadi sa vegnir constatà ch’ils responsabels èn cun tuttas lavurs egl urari e l’Allmend è dapi entgins dis ina plazza gronda da bajegiar. Che quai n’è betg pleds vids persuenter èn las cumpagnias dal battagliun da genia 9 responsabels. Ellas èn che han midà l’Allmend entaifer curt temp en ina plazza gronda da bajegiar. Colonel Bernhard Fuchs cumandant Gter Reg 4 è losch sin la truppa fetg motivada. Fuchs: „In pionier elavura a di ina tonna material, quai munta che tar tschient umens vegnan elavuradas en quater dis 400 tonnas. Suenter va i lur a las lavurs el detagl.“
Ils temps èn sa midads
Durant ch’a la fin d’emnas èn gia daditg nagin temp da sajettar reservà („Rangeurs“) pli da chattar – senza temp da sajettar reservà è propi nagut pli da vulair i è tut plainamain occupà – i dat dis da l’emna ch’èn uschè flaivlamain dumandads che singulas tendas vegnan seradas. Blers tiradurs vegnan ans dumandar: „Pertge vegnivan tantas schibas postadas, sche na betg tuts ils dis da tir èn plainamain dumandads?“ Gistamain perquai ch’il temp è sa midà na betg mintgin sa far durant l’emna semplamain in u dus dis liber e perquai tut sa concentrescha sin las fins d’emna. Stessan quellas tendas da tir che vegnan seradas durant entgins dis da tir durant l’emna a disposiziun a la fin d’emna – ellas avessan pudidas vegnir emplenidas senza problems.
In ulteriur motiv pil fin qua na betg cuntanscher ils 50'000 tiradurs dastga esser la transiziun dal tir militar al tir sportiv, vul dir a l’autonomia. Quai che pertutga las annunzias saja la solidaritat gronda ord la Svizra orientala. Sco in stupent exempel numnava Eisenring er l’Argovia che prenda part cun dapli che 90 % da las secziuns. La situaziun d’annunzias ord la Svizra occidentala saja uschia sco ella saja vegnida spetgada!
Schegie che cun 41'966 tiradurs annuziads da buis e 6’211 da pistola (48'177) las aspectativas n’èn betg dal tut vegnidas realisadas, sa muossa il CO cun cusseglier dals chantuns Philipp Stähelin a la testa optimissem che la limita da 50'000 vegn cuntanschida durant la festa. Cun quai vegnias er il preventiv da 16 milliuns francs gulivà.
Ina ristga
La 13 è ina cifra da fortuna, perquai vegnan las sedutas dal CO er cun la tredischavla finidas – ma uss vegn tractà els ressorts mo anc bilaterla – manegiava il president dal CO Stähelin. El concedeva avertamain che lezza giada il surprender a Morges è stà ina ristga. Naven da la secunda uiara mundiala fin Bière, uschè Stähelin, na pudeva betg bler fatg fauss, en els davos tschun onns ha ma sa midà tant bler e tant fundamentalmain che l’organisaziun e realisaziun d’in uschè grond eveniment vegniva propiamain ina ristga. Dasperas allocava Stähelin l’armada che vegniva massivamain reduzida, l’esser da tir ch’è en Svizra anc bain adina fetg derasà e ha tradiziun, ma è vegnì pli sportiv.
Malgrà quai, nus essen bain preparads e avain in bun sentiment che quella festa vegn ina concurrenza che ligia a medem temp.
I sto reussir
Eisenring n’è betg mo optimistic, che la cifra da 50'000 participants vegn cuntanschida, mabain ch’il tir d’avertura cun 5'500 participantas e participants – en sesez la prova principala – vegn a reussir. Sch’il tir d’avertura reusescha, lur essen nus a la testa, manegiava Eisenring.
Curaschusadat ne impertinenza?
El na sa betg, sch’i è stà curaschusadat ne impertinenza d’annunziar la FFT05 pil Prix ecosport (premi pil ambient) ch’è dotà cun 50'000 francs, manegiava Beat Haag. Saja sco i vegli, i haja en mintga cas valà la paina, la selecziun preliminara saja almain fatga e la FFT05 s’auda tar ils finalists. Ils trumps cun ils quals l’annunzia è vegnida fatga èn:
- sistem d’eliminar rumen separà
- renunzia a la vaschella unilaterala
- transports publics
- aliments ston vegnir retratgs ord la regiun
- nagins sgols da helicopters
- utilisar lenna da bau
- metter puspè il terren da festa el stan d’antruras
- tut è collià cun la chanalisaziun
Il punct central per cuntanscher il final ma dastga esser stà l’eliminaziun separada (plum/stialas da lenn) da la tschiffada da ballas.
|
|
|
|
|
|
|
Campiunadi da las uniuns da tir svizras a l’ester
21 uniuns da tir svizras cun 253 tiraduras e tiradurs han prì part al campiunadi da las uniuns da tir svizras a l’ester.
dapli
|
|
|
|
|